XƏBƏR AXIŞI

Millimiz Avropa çempionatı üçün Rumıniyaya yollandı

  • 174 nəfər oxuyub

Sabah 18 yaşadək voleybolçular arasında Avropa çempionatının II seçmə mərhələsinə start veriləcək.

Azərbaycan millisinin yer aldığı E qrupunun matçları Rumıniyada keçiriləcək.

Vüqar Əliyevin başçılıq etdiyi komanda yanvarın 12-15-də Ploisti şəhərində Rusiya, Rumıniya və Portuqaliya ilə oynayacaq. Komandamızın finala yüksəlməsi heç də asan olmayacaq. Çünki şimal qonşularımız qrupun favoritləri hesab olunduğu halda, ev sahibləri ikinci yerə iddia edəcəklər. Lakin U-18-də yer alan voleybolçularımızın Super Liqada "Lokomotiv" adı altında oynadığını nəzərə alsaq, sensasiya gözləməyə dəyər.
 
Artıq Rumıniyaya yollanan komandamız bunun üçün ilk turda Rusiyaya gücünü göstərməlidir. Əgər onlar bunu bacarsalar, ardınca Portuqaliya və Rumıniyanı da məğlub edə bilərlər.
 
12 yanvar
22:00. Rusiya - Rumıniya
 
13 yanvar
17:00. Azərbaycan - Rusiya
19:30. Rumıniya - Portuqaliya
 
14 yanvar     
17:00. Portuqaliya - Azərbaycan
 
15 yanvar     
17:00. Portuqaliya - Rusiya
19:30. Rumıniya - Azərbaycan
 
Qeyd edək ki, II seçmə mərhələdə 32 ölkə hərəsində 4 yığma olmaqla 8 qrupda mübarizə aparacaq. İlk pillənin və 3 ən yaxşı ikinci yerlərin sahibləri final mərhələsinə yüksələcək. Burada onları apreldə həlledici oyunlara ev sahibliyi edəcək Hollandiya gözləyir.

7News.az